Prej dy ditësh, banorët e fshatit Golem në Gjirokastër po përballen me një situatë mjaft të vështirë shkaktuar nga ulja e ndjeshme e temperaturave dhe reshjet e dëborës. 30 familjet e këtij fshati u duhet të përballen me mungesën e ujit të pijshëm dhe energjisë elektrike.
Vetë banorët janë shprehur për një televizion se ndodhen në mëshirë të fatit. Nga ana tjetër, kryetari i fshatit, Alket Stroka, është shprehur se bashkia nuk ka mjetet e nevojshme që mundësojnë zhbllokimin e rrugës.
“Bashkia na ka thënë se nuk ka mjete të përshtatshme për hapjen e rrugës. Nuk kemi asnjë mundësi komunikimi me qytetin.”, mësohet të ketë thënë ai.
Discussion about this post