Nga salla e Parlamentit Ben Blushi ka treguar historinë e një djali që kishte bërë gjithçka për të qenë pjesë e Policisë së Shetit dhe nuk kishte mundur dot për shkak të korrupsionit.
Ai ka kujtuar edhe paradoksin se deri dje në krye të ministrisë së Brendshmme Tahiri ka qenë i mbushur plot me tatuazhe në trup.
Ai ka sqaruar se edhe pse Tahiri nuk ishte polic është e dhimbshme të mendosh që atij djali i ishte kërkuar që të fshinte fytyrën e nënës së tij që nuk jetonte më.
‘’Para disa ditësh takova një djalë në një nga rrugët e Tiranës. Ai më tha se kishte aplikuar për të qenë pjesë e Akademisë së Policisë dhe kishte kaluar të gjitha testet përveç njërit.
Ai kishte një tatuazh në krah, atë të nënës së tij që sot nuk jetonte më. Ishte detyruar dhe e kishte fshirë tatuazhin por ama nuk e kishin pranuar në polici, pasi të tjerë kishin paguar nën dorë dhe vend për të nuk kishte më. A mund t’ia ktheni më atij djali kujtimin e nënës që i keni rrëmbyer.
Ky është një paradoks i madh sa kohë që deri dje si ministër i Brendshëm ishte një person që e kishte të mbushur trupin e tij plot me tatuazhe’’, u shpreh Blushi.
Depueti deklaroi se djalin do ta sjellë një ditë në Parlament për t’iu treguar të gjithëve dëmin që i është shkaktuar. (E.K/SHUPLAKA)
Discussion about this post