Një operacion i përbashkët antidroge është finalizuar me sekuestrimin e një sasie të madhe droge, konkretisht 19.168 kilogramë heroinë, 1.527 kg kokainë. Janë sekuestruar edhe 65 mijë euro.
Sekuestrimi është kryer në sajë të bashkëpunimit mes Policisë së Shtetit dhe asaj italiane. Në operacionin që nisi në orën 06:00 të mëngjesit të sotëm janë përfshirë edhe Drejtoria për Hetimin e Narkotikëve, Drejtoria Tiranë, Drejtoria Durrës dhe ajo e Elbasanit.
Në pranga u vunë gjithsej 22 persona, ndër ta 20 në Itali dhe 2 në Shqipëri. Mësohet se arrestimet në Shqipëri u kryen pas mbërritjes të disa fletë-arresteve në Policinë e Shtetit.
Nga Policia e Shtetit në këtë operacion janë vënë në pranga: 1 – Enea (Eldi) Milla (Doma), 32 vjeç, lindur në Tiranë dhe 2 – Adriatik Alshabani, 29 vjeç, lindur në Durrës.
Ndër të arrestuarit në Itali renditen disa italianë, rumunë, tunizianë.
Referuar të dhënave të policisë, personat e arrestuar kanë mundur të trafikojnë sasi të mëdha heroine që nga nëntori i vitit 2014 deri në tetorin e 2015-ës. (XH.A/SHUPLAKA)
Discussion about this post