Sfida është ndalur sot tek deklarata e djeshme e kryeministrit Rama që iu tha dje qytetarëve të mos votojnë partitë e tjera që të mos detyroheshin të bënin sërish pazar.
Kandidati i Sfidës për Tiranën, Gjergj Bojaxhi u shpreh se kjo është skandaloze dhe se PS mund të bëjë pazar me çdo forcë politike.
“ Në fakt kjo është skandaloze. Qartazi PS është e gatshme të bëjë pazar me këdo që i duhet për të mbrojtur korrupsionin dhe inspektoret e saj në dogana, tatime e kudo.
PS thotë që ka përballë PD. Kjo është një gënjeshtër. Është një mashtrim. Është teatër. Nuk ka përballë as PD, as LSI apo parti të tjera parlamentare që i ka nën sqetull.
Përballë ka 30% te qytetarëve akoma të pavendosur. 1/3 e shqiptarëve që këto 30 ditë do mundohen ta blejnë apo ta shesin”,-tha ai.
(M.D/Shuplaka)
Discussion about this post