Bombardohet Jemeni, 35 të vdekur dhe dhjetëra të plagosur

Një sulm vetëvrasës ka lënë të paktën 35 ushtarë të vdekur dhe dhjetëra të tjerë të plagosur në një bazë ushtarake në jug të Jemenit.

Sipas BBC-së, sulmi ndodhi kur ushtarët ishin mbledhur për të marrë pagat e tyre në një kazermë në qytetin e Adenit, i cili kontrollet nga forcat pro-qeveritare.

Deri më tani askush nuk e ka marrë përsipër sulmin, megjithatë dyshohet se kjo është vepër e organizatës terroriste ISIS, duke patur parasysh se qyteti ka qenë edhe më parë shënjestër e saj.