Një person i dënuar me 10 vite burg, nën akuzën e mashtrimit ka rënë në pranga.
Ngjarja ndodhi ditën e sotme, në Borsh, ku Artan Muça u arrestua nga Policia Kufitare.
NJOFTIMI I POLICISE
Strukturat Policore të Stacionit të Policisë Kufitare Borsh në bashkëpunim me Seksionin e Hetimit, kanë kapur e ndaluar në fshatin Lukovë, Himarë, shtetasin e shpallur në kërkim: Artan Muça, 51 vjeç, banues në Tiranë. Shtetasi i lartpërmendur ka rezultuar shtetas i shpallur në kërkim nga Drejtoria Vendore e Policisë Tiranë, pasi Gjykata e Shkallës së Parë Tiranë e ka dënuar me 10 vite burg për veprën penale ”Mashtrimi”, të parashikuar nga neni 143/2 i Kodit Penal. Shtetasi do të shoqërohet pranë ambienteve të DVP.Tiranë për veprime të mëtejshme.
(F.M/Faxweb)
Discussion about this post