Ish-kryeministri Sali Berisha, me anë të një postimi në rrjetet sociale, flet për atë që ai e quan “suksesi imagjinar i OSHEE.
“OSHEE, sipas ERE ka faturuar gjate vitit 2016 (periudhen janar-gusht) 41 miliard lekë dhe ka arketuar vetem 30,9 miliard lekë apo vetem 75% te shumes se faturuar?! Ky eshte suksesi i ri imagjinar i reformes se energjise qe e shnderroi kete sipermarrje ne nje organ terrori per qytetaret shqiptar”, shkruan Berisha.
Ja çfarë shkruan Sali Berisha:
Nje sukses madhor imagjinar i OSHEE!
Ajo, sipas ERE ka faturuar gjate vitit 2016 (periudhen janar-gusht) 41 miliard lekë dhe ka arketuar vetem 30,9 miliard lekë apo vetem 75% te shumes se faturuar?! Ky eshte suksesi i ri imagjinar i reformes se energjise qe e shnderroi kete sipermarrje ne nje organ terrori per qytetaret shqiptar.
Per me shume lexoni artikullin e meposhtem te botuar ne revisten prestigjioze ekonomike Monitor. sb
“OSHEE akumulon 78 mln euro borxh të ri nga energjia e shitur më 2016
Teksa Operatori i Shpërndarjes së Energjisë Elektrike (OSHEE) ka rritur arkëtimet bruto të energjisë dy vitet e fundit, shihet se arkëtimi i faturave koherente është përkeqësuar ndjeshëm më 2016.
Sipas të dhënave nga Enti Rregullator i Energjisë (ERE) në lidhje me bilancin energjetik janar-gusht shihet se OSHE ka arkëtuar vetëm 75 për qind të faturave koherente të vitit 2016.
Sipas tabelës që ka publikuar ERE dhe që i referohet të dhënave të OSHEE-se mbi gjendjen debitorë mësohet se energjia e faturuar me 2016 kapi vlerën e 41 miliardë lekëve për janar-gusht 2016. Nga kjo shumë shihet të jetë arkëtuar 30.9 miliardë lekë ose 75 për qind e faturimeve.
Ndërsa arkëtimet e konsumit të periudhës ka rënë, OSHE ka arkëtuar nivele ta larta të borxhit të prapambetur deri më 2015.
Siç shihet nga të dhënat për faturat e papaguara 2007-2015 janë arkëtuar gjatë 8 mujorit 2016 r 8.7 miliardë lekë ose 63 milionë euro. Arkëtimet e mbara të borxheve të prapambetura lidhen me disa kushte që OSHEE ka vënë për arkëtimin e këtij detyrimi. Nëse pagesa e kësteve të borxhit të prapambetur nuk shlyhet në datën e caktuar, atëherë ndërprerja e energjisë bëhet menjëherë, për faturat koherente OSHEE pret deri në tre muaj.
Arkëtimet në total të OSHEE-se në fund të periudhës tetë mujore ishin 39.6 miliardë lekë, nga të cilat 8.7 miliardë lekë ishin detyrimet të prapambetura dhe 30.9 miliardë lekë fatura korente.
Borxhet totale në OSHEE nga energjia e papaguar arritën në fund të tetëmujorit në 68.3 miliardë lekë ose 465 milionë euro, i krijuar deri më 31 dhjetor 2015.”
Discussion about this post