Deputetja Majlinda Bregu ka zgjedhur studion e ‘’Vila 24’’ për të folur në lidhje me disa nga zhvillimet në jetën politike, atë familjare, marrëdhënien me fëmijët.
Në praninë e studentëve të ekselencës, Bregu foli edhe për planet e saj për tiu rikthyer jetës akademike në universitete. Për të marrëdhënia me fëmijët është shumë e rëndësishme, pasi është e vështirë për një grua që merert me politikë të jetë njëkohësisht edhe një nënë e mirë.
Studenti: Me cilin prej fëmijëve keni një marrëdhënie më të ngrohtë.
Bregu: E ke pyetur mamin se kë do më shumë? Edhe unë nuk mund të bëj një ndarje se me cilin nga fëmijët e mijë kam një marrëdhenie të afërt.
Studentja: E konsideroni akoma të vogël vajzën tuaj, apo e trajtoni si të rritur?
Bregu: Nuk e shoh aq të vogël, dhe mundohem ta lë të lirë pasi nuk dua as të ndjekë modelin tim, nuk dua ta imponoj. Nuk jam as nga ato nënat që mendoj se dashuri do të thotë ta puthësh fëmijën gjithë ditën.
Bregu ka folur edhe për fjalët që qarkullojnë në media në lidhje me çmimet dhe veshjet e saj të shtrenjta duke i konsideruar ato si luftë për klikime që bëjnë mediat.
‘’Për ato që merren me median është kollaj të dallosh të vërtetën nga gënjeshtra, unë si natyrë mistrece që jam, duke e dëgjuar vorbullën, doja të provokoja dhe postova një palë këpucë pa asnjë koment, menjëherë shoh në të gjitha mediat këpucët. Madje në shumicën prej tyre gjeje dhe çmimin sipas të cilit unë i kisha blerë. Të nesërmen hodha këpucët e plota që nuk i kisha veshur unë po ishin pjesë e një ekspozite. Kjo tregon që gazetarët nuk shkojnë në kërkim të së vërtetës. Ai ishte një provokim pas një serie ngjarjesh, liria nuk është të abuzosh, ne shqiptarët e kemi keqkuptuar rolin e lirisë’’, ka thënë ndër të tjera deputetja Bregu.
Ajo ka vazhduar më tej me akuzat për mediat duke përmendur rastin e Ministres Kodheli, dhe publikimit në media të lajmit se ajo kishte punuar në klub nate në Greqi.
‘’Çfarë vlere kishte që ai lajm të postohej në të gjitha mediat shqiptare, pse duhet të publikohej lajmi i Ministres Kodheli, po kjo bëhet vetëm për disa klikime më shumë. Media nuk duhet të shkojë në të njëjtin vijë me thashethemet’’, ka shprehur ajo.
Ndërsa përsa i përket procesit të Integrimit, Bregu tha se Shqipëria ka shumë punë për të bërë ende.
‘’Gjyshja ime thoshte ngele ik e ja, ose tërmo e tërbo, kështu e shoh dhe unë proçesin e Integrimin në Europë, ik e ja dhe ende nuk ka asnjë datë të saktë për negociatat. Në auditor mund të jem part-time, i kisha deri në 2017, është ndryshe të jesh deputete dhe pedagoge, dhe ndryshe Ministre dhe pedagoge’’, ka përfunduar ajo. (E.K/SHUPLAKA)
[ngg_images source=”galleries” container_ids=”234″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post