“Burgjet janë plot me protestues të pafajshëm”, reagon Basha: Po kërcënohet e ardhmja

Pas protestës së tretë kombëtare nga ana e opozitës, ka reaguar kryedemokrati Lulzim Basha.

Me një postim në llogarin e tij në Facebook Basha shprehet se qeveria aktuale është duke kërcënuar të ardhmen e Shqipërisë drejt rrugës europiane.

Ai u premton shqiptarëve se do të jetë në krah të tyre deri në fund të rrëzimit të qeverisë, e cila është pranë fundit të saj.

Postimi i plotë:

Ne jemi deri në fund në krah të njerëzve që janë ngritur kundër qeverisë-bandë që bashkë me krimin dhe oligarkët ka vjedhur dhe dhunuar shqiptarët, ka shkatërruar demokracinë dhe shtetin ligjor dhe po kërcënon të ardhmen europiane te Shqipërisë! Fati i qeverisë-bandë është rrëzimi i saj! Krerët e kësaj bande i pret burgu që sot e kanë mbushur me protestues të pafajshëm!

(s.a/faxweb.al)