Kreu i Grupit Parlamentar të PS-së Taulant Balla duket se nuk është shqetësuar dhe aq shumë nga tymset e hedhura në ambjentet e Kuvendit. Kur askush nuk e kishte mendjen Balla iu është afruar karrigeve të kolegëve të tij opozitarë, të lëna bosh, dhe duket se ka votuar në vendin e tyre.
Nuk dihet nëse e ka shtypur butonin por ama pamja e deputetit socialist është vërtet për të mos u humbur. Theksuar kjo dhe nga fakti se ai në dalje të Kuvendit akuzoi kryetaren e LSI-së se u kishte vjedhur socialistëve kartat. Po mesa duket nuk qënka tamam kështu situata.
“Monika Kryemadhi vodhi, si e mësuar me vjedhje, vodhi disa karta deputetësh. Ata e kanë këtë ves, vodhën kartat e deputetëve. Po ashtu ky ishte një votim që nuk ka nevojë për 71 vota, po gjysmën e shumicës së thjeshtë”, u shpreh Balla më herët.
Foltorja e Kuvendit është rrethuar nga deputetët e opozitës të cilët nuk lejojnë që të vazhdojë kjo seancë. Gjatë seancës u hodh tymuese në drejtim të Gramoz Ruçit por ky i fundit nuk u ndal. U hodh edhe një tymuese edhe në drejtim të Edi Ramës.
(E.K/FAXWEB)
Discussion about this post