Procesi i Censit të Popullsisë dhe Banesave është duke shkuar mirë, këtë e ka bërë me dije në një konferencë, drejtoresha e INSTAT Elsa Dhuli.
Drejtoresha tregon se është regjistruar pjesa më e madhe e anketuesve dhe se 1500 intervista janë në proces.
Dhuli shprehet se procesi po shkon sipas pritshmërive dhe se takimet do të vazhdojnë dhe pasdite.
Elsa Dhuli: Deri tani referuar sistemit, procesi po shkon mirë. Janë regjistruar pjesa më e madhe e anketuesve. 1500 intervista janë në proces, janë përfunduar rreth 800 pyetësorë. Procesi është dinamik dhe po shkon sipas pritshmërive, intervistat do vazhdojnë edhe pasdite për të mundësuar takimin me qytetarët që kanë qenë në punë. INSTAT do japë informacion mbi ecurinë. Ftojmë çdo individ t’i kushtojë disa minuta procesit të numërimit duke bashkëpunuar me anketuesit pasi censusi është një e mirë publike në të mirë çdo qytetari.
Discussion about this post