Bandat e krimit të organizuar po veprojnë në rrjetet e salloneve të thonjve vietnameze, që mbulojnë të gjithë Mbretërinë e Bashkuar, shkruan Daily Mail.
Këto organizata kriminale mendohet se po përdorin sallonet për të pastruar paratë e fituara nga marijuana dhe prostitucioni, ndërsa aty bandat fshehin ‘viktimat’.
“Daily Mail” shkruan se shtetasit vietnamezë janë grupi i dytë më i madh i huaj i regjistruar si viktima të mundshme te skllavërisë moderne, por pas shqiptarëve.
Policia paralajmëron se shumë të ardhur të rinj vietnamezë po punojnë orë të gjata me pagesë të vogël ose pa pagesë.
Agjencia Kombëtare e Krimit (AKK) shprehet se këto banda madje janë të lidhura edhe me emigracionin e paligjshëm. Aktualisht po kryen 500 hetime për skllavërinë moderne. Policia paralajmëron se shumë të ardhur të rinj vietnamezë po punojnë orë të gjata me pagesë të vogël ose pa pagesa fare, ndërkohë që frika më e madhe është se dhjetra fëmijë mund të kenë rënë pre e gangsterëve.
‘Bandat në thelb do t’i rekrutojnë ata nga Vietnami. Njerëzve u thuhet: ‘Ejani në Britani të Madhe, ju do të merrni një punë vërtet të mirë, do të paguani shumë para që ju mund t’i dërgoni familjes tuaj’.
Në vitin 2017, gjithsej 5,145 njerëz u regjistruan në Mekanizmin Kombëtar të Referimit si viktima të mundshme të skllavërisë – 739 ishin vietnamezë, grupi i tretë më i lartë pas shqiptarëve dhe britanikëve.
(M.Q/Faxweb)
Discussion about this post