Një 82-vjeçar ka ndërruar jetë pasi banesa e tij është përfshirë nga flakët. Sipas informacioneve të para, bëhet fjalë për shtetasin Sefer Demaj.
Ngjarja ka ndodhur në Fshatin e Ri në Sukë të Këlcyrës mëngjesin e kësaj të enjteje, ndërsa dyshohet se i moshuari jetonte vetëm në shtëpi. Ai është gjetur i djegur brenda banesës së tij.
Deri tani dyshohet që zjarri të ketë qenë aksidental. Në vendin e ngjarjes kanë mbërritur forcat zjarrfikëse për të bërë të mundur shuarjen e flakëve, si edhe forcat e policisë për të hetuar më tej mbi shkaqet.
“Rreth mëngjesit, në fshatin e Ri, Njësia Administrative Sukë, Bashkia Këlcyrë, ka rënë zjarrë në banesën e shtetasit S. D., 82 vjeç. Si pasojë e zjarrit, shtetasi i mësipërm u gjet i pajetë brenda në banesë. Nga veprimet e para hetimore rezulton si ngjarje aksidentale. Në vendngjarje ka shkuar grupi hetimor dhe po punon për zbardhjen e plotë të dinamikës së ngjarjes”, njoftoi policia.
(M. I./ Faxweb.al)
