Ilda Gega, ish-banorja e Big Brother 1 që me siguri e kujtoni për sherrin e parë live me një tjetër konkurrente të quajtur Mardiola, i ka dhënë fund beqarisë!
Lajmin e ka bërë të ditur fillimisht mikesha e saj, Jonida Aliçkolli, e cila gjithashtu ka qenë konkurrente e Big Brother!
Shkurtimisht, Jonida e përshkroi dasmën e Ildës si të çmendur dhe te bukur, si vetë Ilda! Dhe për t’u futur më thellë në detajet e dasmës, ato që na tërheqin vërtet, le të merremi fillimisht me pamjen e nuses!
Ilda dukej e mrekullueshme e veshur me një fustan mjaft elegant në ngjyrë kremi që i tregonte dekoltenë elegante! Në kërcimin e saj tradicional me partnerin Christo, Ilda duket se po e shijonte shumë këtë ditë, teksa kërcente napolonin mbi supet e të afërmve.
Ndërkohë, fustani i dytë i nuses ishte më seksi dhe pas trupit që i shkonte shumë, duke pasur parasysh linjat e saj elegante!
Bukuroshja ka publikuar dhe një foto nga dasma në Instagram, ku shfaqet shumë cool duke pirë puro dhe duke shijuar momentin e saj me shami në dorë!
Edhe dedikimet romantike që bën ajo për bashkëshortin janë vërtet të çmendura dhe të sinqerta, si kjo foto më poshtë ku shfaqet duke i pastruar dhëmbët partnerit, para setit fotografik!
Nusja dhe dhëndri kërcyen gjithë mbrëmjen nën ritmet e muzikës së Klajdi Harunit dhe Brunos!
I urojmë çiftit jetë të lumtur!
Discussion about this post