Debate të forta në Parlament për nismën e socialistëve, të cilët kanë kaluar me procedurë të përshpejtuar një ligj për faljen e gjobave për ndërtimet pa leje në zonat rurale.
Ministri i Drejtësisë Ulsi Manja tha se është “e drejta jonë të anulojmë gjobat e paekzekutuara deri tani. Është e drejta jonë, kemi numrat. “Brenda këtij sesioni do të miratojmë ligjin për anulimin e gjobave të paekzekutuara”, deklaroi Manja.
Deputetët e PD janë ngritur më këmbë për të ndërhyrë dhe kanë rrethuar foltoren. Gazment Bardhi tha se nuk jeni ju që i anuloni, por i ka shfuqizuar Gjykata Kushtetuese.
“Boll na sollët këtu dëngla e mashtrime. Boll na bëtë sikur ju djeg barku për qytetarët. Se po t’ju digjte nuk i kishit thirrur si banda inspektorët ndaj qytetarëve”, deklaroi Bardhi. Partia Socialiste ka propozuar një ligj për faljen e gjobave për ndërtimet pa leje në zonat rurale.
Nisma është depozituar në Kuvend me firmën e 40 deputetëve socialistë. Njoftimi i nismës nga ana e Spiropalit shkaktoi debate në Kuvend pasi opozita tha se nuk ishte në dijeni të këtij propozimi. Prandaj seanca u ndërpre për t’iu vënë në dispozicion opozitës propozimi.
Me rifillimin e seancës, ministri i Shtetit për marrëdhëniet me Parlamentin, Taulant Balla, foli për nismën duke u shprehur se procedura është në sipas rregullore së Kuvendit.
Discussion about this post