Ministrja teknike e Arsimit Mirela Karabina, pasditen e sotme e ftuar në emisionin “Njerëz në Fokus”, ka folur për konfliktin e saj me sekretarin e Përgjithshëm të Ministrisë, Plarent Ndreca.
“Është një përballje e një modeli të ri dhe e një administrate që ka nevojë të rregullohet, sepse veprimet mund t’i shohim në dy qasje, nëse realisht është kuptuar si një marrëveshje, që ne kemi ardhur të basghkëpunojmë. O nuk ka qenë e qartë për ta se ne kemi ardhur për të bashkëpunuar dhe jo për të penguar, ose ka një qasje tjetër që unë nuk e di.
Fillimisht, në javën e parë edhe të dytë, të gjithë punonjësve të administratës u kam kërkuar ndihmën e tyre dhe bashkëpunimin që secili do dëshironte ta kryente detyrën me sukses. Koha ka qenë e limituar dhe ne duhet të vepronim me shpejtësi.
Si mund të punojë një minister pa stafin, dhe një bllokim i qëllimshëm i stafit?!
Mund ta kuptoj nga ana njerëzore atë trysni, në nëpunës të nivelit të lartë, vetëm në disa aspekte, por nga ana institucionale nuk mund të pranoj që dikush të bjerë pre e një presioni të tillë.”, tha Karabina pas pyetjes se cfarë është kjo përballje publike me Ndrecën.
Kujtojmë se Karabina e ka kallëzuar penalisht Ndrecën për shkelje të rënda ligjore dhe i kërkoi Departamentit të Administratës Publike që ta shkarkonte. Mirëpo DAP e hodhi poshtë këtë vendim të ministres. Debati mes tyre ka vijuar më pas sërish edhe për cështje të tjera. (D.D/Shuplaka)
Discussion about this post