Presidenti i Kosovës, Hashim Thaçi deklaron se do të japë dorëheqjen në rast se Kuvendi nuk do të votojë për ushtrinë. Sipas Thaçit, ushtria e Kosovës do të bëhet në kordinim me Shtetet e Bashkuara të Amerikës dhe Bashkimin Europian dhe nuk ka kthim mbrapa.
“Jap dorëheqje nëse Kuvendi nuk e voton Ushtrinë”, janë fjalët e Thaçit gjatë një intervistë për RTK-në.
Presidenti i Kosovës tha gjithashtu se kjo çështje duhet të mbyllet njëherë e përgjithmonë.
“Askush nuk ka pse të befasohet. Ushtria e Kosovës do të bëhet në kordinim me faktorët relevantë ndërkombëtarë. Kanë qenë të konsultuar dhe të informuar për të gjithë procesin. Më herët janë informuar dhe konsultuar edhe partnerët e kualicionit dhe Kryetari të Kuvendit. Gjithçka është ligjore. Presidenti ka të drejtë të ngrejë çështje. Si komandant suprem i Forcave të Armatosura të Kosovës vlerësoj se kjo çështje duhet të mbyllet njëherë e përgjithmonë. Falenderoj veçanërisht Kryetarin e Kuvendit të Kosovës,, Kadri Veselin”, deklaroi Thaçi. (D.D/Shuplaka)
Discussion about this post