Deputeti i LSI-së Shezai Rrokaj ka reaguar lidhur me deklaratën e ministres së Arsimit Lindita Nikolla e cila u kërkoi ndjesë pedagogëve për pagat e papaguara, por tha se përmes ligjit të ri të arsimit të lartë që sipas saj ofron më shumë autonomi financiare për universitetet, çdo buxhet që mbetet në fund të vitit të trashëgohet në vitin pasardhës buxhetor.
Sipas Shezai Rrokajt në të ardhurat e tyre universitetet i trashëgojnë qysh prej Ligjit të 2007-ës. Ai thotë se buxhetimi i ulët i qeverisë për univeristetin ka bërë që fondi i pagave të mos mjaftojë për 12 muaj, por vetëm 10 muaj
Rrokaj shton më poshtë se dushon se ministria mund të ketë dashur t’i detyrojë universitetet të përdorin të ardhurat e tyre të trashëguara qysh në fillim të vitit kalendarik.
POSTIMI I PLOTË:
për pagat e vonuara ka të pavërteta. Të ardhurat e tyre universitetet i trashëgojnë qysh prej Ligjit të 2007-ës. Si rregull, me kalimin në parlament të buxhetit ai u kalohet ministrive dhe prej tyre institucioneve të varësisë. Pra, nuk ka asnjë pengesë ligjore.
Dyshoj se ajo që nuk thuhet ka të bëjë me një ‘betejë’ me thikë nën brez të MASR me IAL-të. Ku fle lepuri sipas meje? Meqenëse Qeveria buxheton nga 5% të PBB -së që ishte parashikuar vetëm 3%, arsimi i lartë zë 0,45 % të PBB-së. Ky buxhetim i ulët ka bërë që fondi i pagave të mos mjaftojë për 12 muaj, por vetëm 10 muaj, që do të thotë se 2 muaj IAL-të i mbulojnë nga të ardhurat. Zakonisht, këta dy muaj janë nëntori dhe dhjetori.
Dyshoj se ministria mund të ketë dashur t’i detyrojë universitetet të përdorin të ardhurat e tyre të trashëguara qysh në fillim të vitit kalendarik. Kjo mund ketë ndodhur për shkak të mosgrumbullimit të të ardhurave mbi të cilat mbështetet fondi i pakushtëzuar i buxhetit të shtetit. (B.H/Faxweb)
Discussion about this post