Edlira Gjoni ka reaguar me një status në Facebook, pas deklarimit të mbrëmshëm të kryeminstrit Rama, në lidhje me pyetjen gazetares së Fax News, Ambrozia Meta, ku këmbëngulja e saj për të marrë përgjigje detyroi Ramën të braktisë konferencën.
Sipas Ramës, gazetarja është e re, aq di dhe aq bën.
Mesazhet e Ramës u bën virale dhe statuset për këtë çështje në rrjetet sociale kanë qënë të pafundme.
Kështu pas kësaj deklarate ditën e sotme profesoresha Edlira Gjoni ka thënë se këto janë shënja të acarimit të kryeminstirit dhe se nuk kishte si të reagonte ndryshe, pas pytjes së një gazetareje me nivel të lartë intelektual dhe me një gjuhë rrjedhëse si kristali.
Statusi i plotë
“Ej, ti me syze” – është bulizëm.
Edhe “Aq di, aq bën”. Është përçmim.
Imagjiinoni sikur gazetaret, (që sepse ka qëlluar të jenë vajza të reja), t’i ktheheshin pushtetarëve me të njëjtën sjellje.
Do ishte kështu, sipas modelit që aplikojnë prepotentët që ushtrojnë bulizëm me kohë të plotë e madje edhe mburren me veten.
Rasti 1:
– Ej, ti me syze
– Hë ore shkurtabiq…
Imagjinoni që vajza të kishte përdorur gjuhën e politikës. Gurët gati ne, i madh e i vogël.
Rasti 2:
– Unë 2 metra burrë. S’më le të flas tjetra. Po aq di, aq bën.
– Dhe ti aq di, aq thua. Shalët të gjata e mendja e shkurtër.
Dhe kësaj me gurë e me dhè do ia kishim treguar vendin, po të guxonte të përdorte të njëjtën gjuhë si kryeministri.
Po shyqyr që prepotenca e pushtetit nuk kthehet pas si top ping-pongu. Ata me bulizëm, vajzat me mirësjellje.
Ata me statuse plot gabime, vajzat edhe “ë”-të i kanë të sakta e kristal.
Ata bulizëm, vajzat indinjim e lot.
Janë shenjat e acarimit të tyre për punë që nuk dinë si i kanë nakatosur kaq keq. E shenja lodhje nga kahu tjetër, gazetarët e shqiptarët e thjeshtë, që nuk kanë më durim të pranojnë politikën sunduese që na rëndon mbi kokë e në qafë, majtas, djathtas e në qendër.” (E.V/Faxweb.al)
