Pas protestës së mbrëmshme tek “Unaza e re” në Tiranë, ku banorët shpërthyen në revoltë ndaj kryebashkiakut të Tiranës Erion Veliaj pasi u etiketuan si “shpellarë”, ky i fundit përmes një postimi në ‘Twitter ka sqaruar deklaratën e tij.
Veliaj thotë se ai ka quajtur shpellarë “deputetët e Saliut qe i sulen barbarisht zonjave police te bashkise”.
“Sqarim: – shpellare quajta deputetet e Saliut qe i sulen barbarisht zonjave police te bashkise! S’i quaj dot deputete keta prehistorike – Saliu i vrau me plumba ne mish ne bulevard, le me t’i lejonte te dera – Shpronesimet 100% edhe pse shumica lloto, lavazhe e 8 kate pa leje”, shkruan Veliaj në Twitter.
Ditën e djeshme banorë të zonës së Unazës së re, protestuan para Bashkisë së Tiranës, ku tentuan dhe të hynin brenda godinës, Veliaj reagoi pak orë më vonë ku deklaronte ndër të tjera: “ Ky film përfundon me fitoren e njerëzve të mirë, të drejtë që s’kanë zaptuar, që paguajnë taksat, që duan rendin, që respektojnë uniformën, që dinë të thonë faleminderit, që nuk shqyejnë se nuk vijnë nga shpellat po respektojnë qytetin, kodi ynë i përbashkët, stofi që na lidh me njëri-tjetrin”.
(B.H/Faxweb)
Discussion about this post