Nënkryetari i PL Petrit Vasili foli ditën e sotme në një lidhje në ‘Skype’ për “Fax News” lidhur me intervistën e Arben Ahmetajt. Ai tha për gazetarin Albi Rakip se kryeministri bën të pamundurën që të vërtetat mos të dalin, ndërkohë që së fundmi opozita ka treguar shumë të vërteta të provuara me fakte e dokumenta.
“Indiciet e Arben Ahmetajt ishin shumë të forta. E kur merr indicje nuk ka asgjë të keqe që media të bëjë punën e saj për të hedhur të vërtetën. Opozita shqiptare ka treguar të vërteta shumë të forta dhe i ka provuar ato si asnjë herë më parë, edhe Belind Këlliçi ka nxjerrë një tjetër dokument ndaj denoncimit të korrupsionit me fakte e dokumenta.”
Vasili u shpreh se Arben Ahmetaj duhet të përgjigjet nëse ka kryer procedura, por duhet të kritikohen të gjithë përgjegjësit dhe fajtorët e vërtetë.
“Në këtë situatëm SPAK-u është vendosur kundra ligjit dhe kundra popullit, e populli e paguan SPAK për të bërë drejtësi. Ky moment është shumë i rëndë sepse është e vështirë të besosh që SPAK-u është i pavarur dhe i pandikuar.
Arben Ahmetaj, nëse ka kryer procedura, të përgjigjet. Ne e kemi kritikuar atë dhe ai duhet të përgjigjet, ama përgjegjësitë të dalin për të gjithë. Shqiptarët duan fajtorët e vërtetë.”
Discussion about this post