Deklaroi se brenda UBT-së ka motele, studentja i kthehet Veliajt: Shumë turp, kjo është shumë e rëndë (Video)

Studentët e Universitetit Buqësor të Tiranës kanë zhvilluar sot ditën e gjashtë të protestës së tyre. Ata  vijojnë protestën kundër ndërtimit të shkollës në brendësi të territorit të UBT duke kërkuar spostimin e saj 200 metra më tutje.

Mbështetës të studentëve janë edhe petagogët, të cilët pas mbledhjes të zhvilluar ditën e djeshme shprehën hapur qëndrimin e tyre.  Për Fax News, një prej petagogëve të UBT-së,  Lush Zusaj është shprehur se: “Dje më është dashur të merrja shkumsin dhe të shpjegoja në klasë atë të cilën nuk mund të shpjegohej në klasë por vetëm në terren”.

Ndërkohë edhe studentët kanë shprehur pakënaqësit e tyre. Një prej studentëve e pyetur për vendimin për tërheqjen e rektorit nga kauza e tyre është shprehur se një gjë e tillë mund të ket ndodhur për shkak të arsyeve përsonale.

Ndër të tjera studentja ka thënë se: “Për rektorin nuk kemi çfarë të themi. Po merren personalisht me të. Mirëpo kjo nuk duhet të ndikojë tek ne. Ne nuk kemi punë me rektorin, në qoftë se akuzat ndaj tij janë të drejta të merret përgjegjësi. Kjo është e ardhmja, nuk duhet që për hakmarrje personale të na i nxjerrin ne. Ne nuk mund të bëjmë mësim në klasë kur gjithçka është praktikë.

Gjithsesi për ne mbështetja e petagogëve është tepër e rëndësishme. Unë jam shumë e revoltuar edhe me disa media të cilat kanë bërë një disinformim total të publikut ditën e djeshme, të cilat thonë që ne jemi të ndikuar nga petagogët për një notë. Normalisht ka dhe të tillë por ne nuk jemi të gjithë njësoj. Ata nuk duan shkollë, shkollën e kanë mundësi ta bëjnë 100 metra, ata duan të zhvillojnë bizneset e tyre pasurimin Brenda një dite.

Por ne do protestojmë, ko është e vetmja gjë që na ngelet,  të protestojmë. Do të bojkotojmë mësimin, nqs për Erion Veliaj është me vlerë kjo atëherë le të vijoj punimet. Mesazhi im është tju them të gjithë studentëve të marrin pjesë në protestë.”

Në lidhje me deklaratat e Veliaj se brenda universitetit ka montele studentja ka reaguar duke thënë: “Shumë turp për Erion Veliajn , kjo është shumë e rëndë.”