Delegacioni i Bashkimit Europian në Tiranë ka reaguar pas protestës së djeshme të opozitës ku theksohet se në asnjë rrethanë dhuna nuk është e toleruehme.
Zyra e BE-së i bën thirrje protestuesve të tregojnë përgjegjësi dhe përmbajtje dhe të ushtrojnë të drejtën e protestët porn ë mënyrë paqësore..
“Protesta paqësore është një vlerë thelbësore e një demokracie moderne evropiane. Dhuna nuk mund të tolerohet në asnjë rrethanë”, shkruhet ndër të tjera në deklaratë.
Deklarata e plotë:
Deklaratë e Delegacionit të BE-së në Tiranë
Protesta paqësore është një vlerë thelbësore e një demokracie moderne evropiane. Dhuna nuk mund të tolerohet në asnjë rrethanë. Duke pasur parasysh protestat e shpallura sot dhe në ditët e ardhshme në Tiranë, Delegacioni i Bashkimit Evropian u bën thirrje protestuesve dhe udhëheqësve të tyre politikë të tregojnë përgjegjësi dhe përmbajtje. Pikëpamjet e ndryshme politike duhet të trajtohen përmes debatit dhe dialogut.
(F.GJ/FAXWEB.AL)
