Situata pas përmbytjeve në fshatin Ferras të Fierit ka sjellë shumë pasoja për banorët e zonës. Fermeri Shezai Sadikaj pronari i një pularie në fshatin Ferras, në një lidhje telefonike për Fax News u shpreh se dëmet në pularinë e tij arrijnë vlerën prej 6 milion lekë të reja.
“Kanë mbetur të ngordhur 20 mijë zogj që arrijnë vlerë deri tek 60 milion lekë të vjetra dëme. Nga përmbytjet në muaj dhjetor i kam marrë vetë masat. Për nje kohë të shkurtë jemi përmbytur tre herë. Kërkojmë nga pushteti vendor të vijë të verifikoje dhe të na dëmshperbleje, përndryshe jemi të falimentuar. Sot erdhën dy persona njëri specialist i bujqësisë dhe një veteriner. Ato u shprehën se do të shikojmë situatën. Të bëhët vërtetimi i dëmit dhe të merren masat që na takojnë.
Ka ardhur një veteriner që ka parë gjendjen sepse kanë ngordhur 20 mijë shpendë dhe rrezikon të shpërthejë ndonjë epidemi.” u shpreh banori.
Ndërkohë që janë dhe shumë banorë të tjerë në fashatin Ferras që kanë folur për mikofonin e Fax Neës të cilët shprehen se kanë pësuar shumë dëme nga përmbytje.
“Këtu vetëm hajduti jeton mirë. Këtu nuk pyet njeri fare, erdhëm nga Greqia për të investuar në vend, do ikim prap në Greqi nuk rrihet këtu. Pa pikë turpi thonë se do të ndihmojnë bujqësinë.
(M.Q/Faxweb)
Discussion about this post