Ministri i Brendshëm Dritan Demiraj i ftuar në studion e Ora News foli për shkarkimin e tre shefave të komisariateve në Pukë, Peshkopi dhe Gramsh pasi bënin fushatë për PS-në.
Sipas Demirajt, kërkesa për shkarkim nuk është zbatuar ende nga drejtori i Përgjithshëm i Policisë së Shtetit.
Më tej Demiraj tregoi zonat më të “nxehta” ku ka pasur incidente.
“Ministria e Brendshme dhe Policia është e angazhuar maksimalisht. Tashmë në ditët e fundit, temperatura politike ngrihet maksimalisht. Ju e dini që ka pasur disa incidente dhe ne po punojmë të kapim autorët që i shkaktojnë në mënyrë që të zbatohet sa më shumë ligji. Që nga momenti që kam marrë detyrën kam vizituar mbi 85 të drejtorive të qarqeve me qëllim bashkërendimin e punës sa më mirë, me qëllim jo vetëm të mbarëvajtjes së punës për zgjedhjet, por edhe prioritetin e qeverisë në luftën kundër kanabisit. Policia e Shtetit ka identifikuar disa zona më problematika. Kemi pasur disa probleme në Pukë midis PS dhe LSI, në Lezhë, në Elbasan. PD ka pasur probleme në Berat sot. Kemi pasur rreth 19 vepra penale prekin zgjedhjet e lira, ku janë përfshirë 45 persona. Pesë janë arrestuar, 36 ndiqen në gjendje të lirë dhe 5 janë shpallur në kërkim”, u shpreh Demiraj. (J.V/Shuplaka)
Discussion about this post