Mesfushori Gavi u dëmtua pak javë më parë teksa luante për kombëtaren spanjolle sfidën eleminatore të Euro 2024 kundër Skocisë. 19-vjeçari do t’i mungojë Barcelonës për pjesën e mbetur të sezonit dhe me shumë mundësi do të humbasë edhe evropianin gjerman.
Sakaq, katalanasit kanë filluar të mendojnë për një zëvëndësues të Gavit. Merkatoja e janarit po afron dhe drejtuesit po piketojnë një mesfushor me tiparet e Gavit që e njeh mjaft mirë stilin e lojës blaugrana.
E ku ka më mirë se sa Thiago Alcantara. Mesfushori e njeh ambjentin e Barcelonës, pasi aty është rritur si futbollist duke dalë nga grupmoshat e Barçës dhe duke luajtur disa sezone me ekipin e parë, para se të kalonte në Gjermani tek Bayern Munchen.
32-vjeçarit i ka skaduar kontrata me Liverpool dhe mund të rikthehet në Katalonjë me parametra zero. Për të kanë shfaqur interes edhe Inter me Juventusin në Itali.
Discussion about this post