Një videodenoncim ka ardhur në adresë të ish-kryeministrit Berisha. Në video tregohet sesi policia bashkiake, në një prej aksioneve të tyre tashmë të zakonshme, sekuestrojnë perimet – qepët, hudhrat dhe produkte të tjera – që banorët e rrethinave dalin të tregtojnë në një prej rrugëve të kryeqytetit.
“Shihi, shihi, këta policët kanë marrë qepët e këtyre. Shihi, po i marrin të gjithë. Këta janë policët bashkiakë.
Këtë detyrë kanë këta për të marrë qepët e këtyre.
Këta janë ata që marrin qepët e njerëzve dhe që bëjnë qeverisje.
Në vend që t’i lajmërojnë, vijnë dhe ua marrin si grabitës. Këta janë ata policët e famshëm. Shih çfarë mentaliteti kanë.” – dëgjohet denoncuesi të flasë në videon që Berisha ka postuar në Facebook.
(E.L./Faxweb)
