Kreu i Këshilltarëve demokratë në Këshillin Bashkiak të Tiranës, Leonard Olli, ka reaguar lidhur me denoncimet e pronarëve të vjetër në Pazarin e Ri, rast i denoncuar tek “Shuplaka”.
Një ditë më parë, “Shuplaka” publikoi apelin e Merita Bollatit, një pronare dyqani te Pazari i Ri, e cila rrezikon të humbasë pronën e saj. Merita, me zë dhe figurë denoncoi çështjen, duke shtuar se njësoj si ajo, edhe 5 pronare të tjera me certifikata të ligjshme pronësie po mashtroheshin.
Lidhur me denoncomin e tyre, Leonard Olli akuzohen kryetarin e Bashkisë së Tiranës, Erion Veliaj dhe Edi Ramën. Ai shprehet se mafia e ndërtimeve po shfaqet kudo pasi Rama dhe Veliaj janë kapot e saj.
Olli kërkon nga Ministria e Kulturës të bëjë publike ato projekte ku i cilëson këto prona si vijim të trashëgimisë dhe identitetit të Pazarit.
“Sot jemi përpara një fakti tjetër të dhimbshëm, tentohet grabitja e pronës , cënohet shenjtëria e pronës private në një republikë parlamentare. Rama nuk ka të ndalur. Sejmeni i tij në bashki është i detyruar të firmosë çfarë i urdhëron shefi i tij politik. Mafia e ndërtimeve po shfaqet kudo sepse Rama dhe Veliaj, janë kapot e kësaj mafieje. Të gjitha provat dhe faktet bëjnë fjalë për tjetërsim të pronës, duke ua dhënë të tretëve për interesa të mafies së pushtetit dhe mafies së ndërtimit. Kjo është e barazvlefshme me statusquonë e diktaturës, të cilën Rama e ka vendosur që ditën e parë që mori pushtetin dhe po e zbaton me konseguenca me sejmenin e tij në bashki. Do i kërkojmë zyrtarisht zotit Veliaj të bëjë transparence. I kërkojmë Ministrisë së Kulturës si institucioni përgjegjës për trashëgiminë kulturore të bëjë publike ato projekte ku i cilëson këto prona si vijim të trashëgimisë dhe identitetit të Pazarit”, tha kreu i këshilltarëve demokratë.
(XH.A/SHUPLAKA)
