Pas ministrit të Mjedisit, Lefter Koka, i cili një ditë më parë që hodhi akuza të forta ndaj Policisë së Shteti, një përfaqësues tjetër i Lëvizjes Socialiste për Integrim, ka vijuar me akuzat kundër drejtuesve të institucionit të policisë.
Deputeti i LSI-së në Gjirokastër, Vangjel Tavo, akuzon drejtuesit e këtij institucioni se bëjnë politikë, çka dëmton edhe LSI-në. Ai shprehet se Saimir Tahiri duhet që të ndërhyjë duke u mësuar rolin që kanë drejtuesve të policisë.
“Sajmir Tahiri duhet t’iu mësojë rolin që kanë drejtuesve të policisë. I kam kërkuar largimin e drejtuesve të policisë që bëjnë politikë. Policia të merret me punën e saj, jo me politikën. Jugu i Shqipërisë është i gjelbëruar nga kanabisi, ndërsa në Dropull po bëhen bastisje nga policia. Tahiri duhet të ndërhyjë, pasi disa drejtues policie kanë bashkëpunim me trafikantë.”, shprehet Tavo. (XH.A/SHUPLAKA)
Discussion about this post