“Deputetët të mos rrinë në kafe”, Rudina Hajdari tregohet e ashpër me kolegët

Teksa ka nisur seanca në Kuvend, ku po diskutohet projektrezoluta për Integrimin, është vënë nre një numër shumë i madh i deputetëve që nuk janë të pranishëm në sallë.

Kjo ka nxitur reagimin e Rudina Hajdarit, që është dhe një nga propozueset e kësaj projektrezolute, e cila tha se në seancë duhet të jenë të pranishëm të gjithë ligjvënësit.

“Nëse deputetë janë në kafe të vijnë në sallë dhe të votojnë rezolutën sepse është shumë e rëndësishme”, u shpreh Hajdari.

Pas kërkesës së Hajdarit, edhe kryeparlamentari Gramoz Ruçi ka kërkuar që të verifikohet vendodhja e deputetëve, në mënyrë që diskutimi për rezolutën për Integrimit të përfshijë të gjithë ligjëvënësit.