Deputetja e LSI-së: Sa turp! Kur në sallën e Parlamentit mbyllet mundësia për dëgjesë, vajmedet për t’u dhënë shansin qytetarëve!

Reagon Nora Malaj pas mbylljes së sinjalit nga TVSH-ja për transmetimin ”Live” të punimeve të Kuvendit nga televizionet private.

”Sa turp!!! Kur ne sallen e parlamentit mbyllet mundesia per degjesen e zerit te deputeteve, pasi kreu i qeverise urdheron qe mediat te mos marrin sinjal, vajmedet per t’i dhene shansin qyetareve qe kerkojne zgjidhjen e problemit.”, shkruan deputetja e LSI-së.

Sipas saj sjellja e sotme ishte më shumë se e shëmtuar, duke uruar që të jetë i fundit incident i rëndë në mohimin e të drejtës së fjalës.

”Miqtë e mi, ju e dini që për mua fjala është e shenjtë dhe e shtrenjtë, ndaj sjellja e sotme në fillim të seancës ishte më shumë se e shëmtuar. Shije shumë shumë e shëmtuar. Fjala ime nuk është e Norës po e të gjithë atyre që më votojnë dhe më kanë sjellë këtu, për të mbrojtur kauzën e tyre dhe për të korrigjuar çdo gabim, denoncuar çdo gjë që bie me interesat e vendit tim!!!! Uroj që kjo të jetë e fundit incident i rëndë në mohimin e të drejtës së fjalës. ”, përfundon Malaj.

Ndërprerjen e sinjalit e ka dënuar edhe ish-ministri i Bujqësisë Edmond Panariti duke thënë: ”Parlamenti nuk i flet vetem vetes por mbi të gjitha popullit. Mediat e lira dhe të pavarura janë përçuese të kësaj fjale. Për sa kohë që këto dritare mbyllen me lloj-lloj pretekstesh, jo thjesht cënohet e drejta kushtetuese e informimit por mbi të gjitha shkelet e drejta e votuesve për të përcjellë se si ligjvënësit me nisma ligjore dhe debat politik plotesojnë ose jo pritshmëritë e tyre të shprehura me votë. E pabesueshme censura e sotme për një vend që aspiron integrimin europian.”

(V.G/SHUPLAKA)