Po luhet aktualisht në stadiumin “Air Albania” derbi mes Tiranës dhe Partizanit. Sfida është në barazim 1-1 pas golave të Hasanit për Tiranën dhe Keko për Partizanin.
Sakaq pak momente më parë, një dyluftim për top mes lojtarit të Tiranës Albi Doka dhe Arinaldo Rrapajt të Partizanit. Gazetarja e Fax News, Alesia Dosti na sjell pamjet e përplasjes që për pak sa nuk përfundoi në një konflikt fizik. Por situata nuk degradoi më shumë, pasi u ndanë nga futbollistët e tjerë.
Sherri nisi pas një ndërhyrjeje të Rrapajt ndaj Dokës. Ky i fundit i shkoi më pas lojtarit të Partizanit për t’i kërkuar llogari duke e shtyrë. Por Rrapaj i është kthyer duke e kapur për fyti mbrojtësin bardheblu. Më pas ndërhynë edhe pankinat e dy skuadrave për t’i ndarë lojtarët.
