Në këto ditë të ftohta dimri, Ministri i Transportit dhe Infrastrukturës Sokol Dervishaj, ka dalë sërish në terren, kësaj radhe për të inspektuar gjendjen e kalueshmërisë në aksin Elbasan-Lin-Pogradec.
Sipas Dervishajt, i gjithë aksi rrugor në fjalë është i kalueshëm. Madje shtoi se Qafë Thana dhe Qafë Plloça nuk kanë asnjë problem në qarkullimin e automjeteve.
Ai pranoi se reagimi për të pastruar aksin Lin-Pogradec ka qenë i vonuar, megjithatë sipas tij situata është përmirësuar.
“Ka pasur një reagim të vonuar në pastrimin e aksin Lin- Pogradec. Por, konstatoj se situata është përmirësuar dhe ka angazhim. Nuk duhet të harrojmë se dimri i këtij viti ka temperatura shumë të ulëta dhe shumë reshje dëbore. I apeloj sërish drejtuesve të automjeteve që të respektojnë sinjalistikën. Ministria dhe drejtoritë rajonale po monitorojnë nga afër situatën dhe kemi masat e duhura për situatën”, deklaroi ministri. (D.D/Shuplaka)
