Pas normalizimit të gjendjes shëndetësore, S. Qordja ka dhënë një dëshmi para oficerëve të Policisë së Shtetit. Ajo ka deklaruar se në banesën e marrë me qira ditore ndodhej në shoqërinë e pesë personave të tjerë, mes të cilëve ishin dy vajza dhe tre djem. Megjithatë, ajo është shprehur se nuk është në gjendje t’i identifikojë ata, pasi nuk i mban mend.
Lidhur me pretendimet se ka qenë e dhunuar, Qordja i ka mohuar ato, duke theksuar se një gjë e tillë nuk ka ndodhur. Ajo kujton se ka parë persona me armë zjarri, gjë që i ka krijuar ndjesinë e rrezikut.
Sipas të dhënave të siguruara, një nga banesat është marrë me qira që nga muaji nëntor, ndërsa tjetra është marrë së fundmi nga i njëjti person. Këtë fakt e kanë konfirmuar administratori i pallatit dhe pronarja e banesave.
Aktualisht, Policia është në pritje të rezultateve nga analizat e gjurmëve daktiloskopike dhe të një përgjigjeje toksikologjike për të hedhur më shumë dritë mbi ngjarjen.
Discussion about this post