Në prangat e policisë së Prrenjasit ka rënë Ruzhdi Veizi, 40 vjeç pasi gjatë një konflikti për motive xhelozie, dyshohet të ketë ushtruar dhunë fizike dhe psikologjike ndaj bashkëshortes së tij, shtetases E.V., 34 vjeçe, e cila ndodhet në spital, jashtë rrezikut për jetën.
DETAJE:
Specialistët për Krimet, në Stacionin e Policisë Prrenjas, bënë arrestimin në flagrancë të shtetasit të quajtur Ryzhdi Veizi, 40 vjeç banues në Prrenjas.
Arrestimi i tij, u bë pasi në banesë, gjatë një konflikti për motive xhelozie, dyshohet të ketë ushtruar dhunë fizike dhe psikologjike ndaj bashkëshortes së tij, shtetases E.V., 34 vjeçe, e cila ndodhet në spital, jashtë rrezikut për jetën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a/3 i Kodit Penal.
(J.V/Shuplaka)
