Anëtarët e shoqatës “Diaspora 91-19 ANIAP” në Itali dhe Shqipëri kanë falenderuar dhe kanë shprehur mirënjohjen e thellë me anë të një letre drejtuar ministrit për Evropën dhe Punët e Jashtme, Igli Hasani lidhur me nënshkrimin e marrëveshjes për pensionet mes Shqipërisë dhe Italisë.
Letra e plotë
Përshëndetje Zoti Hasani, Ministër për Evropën dhe Punët e Jashtme të Republikës së Shqipërisë. FALËNDERIM, Me këto rreshta që nuk arrijnë të përfaqësojnë gjithë ç’ka ndjejmë në këto momente, ju shprehim mirënjohjen tonë të sinqertë në emër të të gjithë anëtarëve të Shoqatës Diaspora 91-19 ANIAP (Itali) për angazhimin tuaj të vazhdueshëm në arritjen e marrëveshjes në fushën e sigurisë sociale midis Italisë dhe Shqipërisë.
Le të vazhdojmë këtë rrugë duke e çuar deri në fund aplikimin e kësaj marrëveshje brenda pak muajve. Çdo dite e humbur krijon një dëm tek bashkatdhetarët tanë. Me këtë rast kemi vlerësuar pozitivisht efikasitetin dhe shpejtësinë në zgjidhjen të problemeve të shtetit aktual shqiptar.
Ju lutemi që të shprehni mirënjohjen tonë të gjithë punonjësve që kanë kontribuar në këtë rezultat pozitiv duke përfshirë edhe Zonjën Olta Xhaçka. Me respekt e mirënjohje. Anëtaret e shoqatës Diaspora 91 – 19 ANIAP në Itali e Shqipëri, me 06/02/2024
Discussion about this post