Gjashtë persona janë vënë në pranga dhe një tjetër po procedohet penalisht nga policia, në kuadër të aksionit të goditjes së rasteve flagrante të paligjshme.
Arrestimi i tyre u krye pas kontrollit të ushtruar një ditë më parë në Borizanë, Zgërdhesh dhe Halil, Krujë, ku këta persona u kapën në flagrancë duke djegur furra gëlqereje pa leje, duke ndotur ambientin.
Mes të arrestuarve janë edhe tre të rinj, të moshave 17-20 vjeç.
Detaje të Policisë së Durrësit:
Specialistët për Krimet në Komisariatin e Policisë Krujë, në vijim të punë së tyre për goditjen e rasteve flagrante të paligjshme, arrestuan në flagrancë shtetasit:
- S.L. 17 vjeç, banues në Borizanë, Krujë.
- Enkloid Balla 20vjeç, banues në Borizanë, Krujë.
- Drilon Sefa 18 vjeç, banues në Borizanë, Krujë.
- Bujar Seferi 40 vjeç, banues në Zgërdhesh, Krujë.
- Maliq Seferi 68 vjeç, banues në Zgërdhesh, Krujë.
- Gazmir Halili 41 vjeç, banues në Halil, Krujë.
Gjithashtu, filloi procedimi penal në gjendje të lirë në ngarkim të shtetasit:
- B.A. 45 vjeç, banues në Halil, Krujë.
Arrestimi I tyre u bë pasi:
Gjatë kontrollit të ushtruar ditëen e djeshme në Borizanë, Zgërdhesh dhe Halil, Krujë u kapën në flagrancë duke djegur furra gëlqereje pa leje, duke ndotur ambjentin.
Kontrolle të tilla do vazhdojnë edhe në ditët në vijim. Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale”Ndotja e ajrit” parashikuar në nenin 201 të Kodit Penal.
(XH.A/SHUPLAKA)
