Ditën e sotme është organizuar panairi i Ditës së Verës për të katërtin vit radhazi në Përmet. Që në orët e para të mëngjesit organizatorët kanë nis përgatitjet për shtruarjen e panairit. Qytetarë të ndryshëm të ardhur nga Përmeti por edhe nga qytete të tjera aty pranë duket se janë dyndur për të marrë pjesë në këtë panair i cili duket se po kthehet në traditë për këtë qytet.
Tregtarët e ndryshëm përmetar, të cilët kërkojnë të promovojnë produktet vendase kanë ngritur tenda të shumta në të cilat servirin produkte të ndryshme duke filluar nga ato të konsumit si lloje të ndryshme reçelërash, mjaltë, komposto e reani thane të ndryshme, embëlsira, djathin apo vajin e ullirit ekstra të virgjër deri tek pijen alkoolike tradicionale të rakisë, por edhe verë, e duke vijuar më pas tek punimet artizanale në dru dhe po ashtu punimet e veshjeve të ndryshme me shtiza.
Të pyetur nga reporterët tanë, për Fax News, tregtarët shprehen se marrin pjesë në panair çdo vit dhe se interesi i qytetarëve është tepër i madhë për produktet e tyre dhe se janë tepër të kënaqur me shitjet e bëra, saqë nuk e përballojnë dotë nivelin e kërkesës.
Panairi i Ditës së Verës i mbajtur në prag të pranverës duket se i ka shtuar alegrinë qytetit të vogël të Permetit në këto ditë të ngrohta.
Discussion about this post