Një 47-vjeçar spanjoll i quajtur Franciso Cervilla ka humbur jetën, pasi duke bërë dush dyshohet se ka dëmtuar veten me thikë. Ngjarja ka ndodhur në një hotel në fshatin Karavasta. Shoku i tij i dhomës, spanjolli 41-vjeçar me inicialet O.V është shoqëruar në polici ku ka deklaruar informacionet e para në lidhje me ngjarjen. Janë duke u bërë hetime për t’u parë nëse do ketë qenë vetëvrasje ose jo. Franciso Cervilla punonte në një firmë ku montoheshin paisje në sera, që prej 1 muaji bashkë me shtetasin tjeter spanjoll O.V.
Priten informacione të mëtejshme.
Njoftimi i Policisë:
Divjakë/Informacion paraprak
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes.
Në përfundim të veprimeve të para hetimore në vendngjarje do ketë njoftim të detajuar për këtë rast.
Discussion about this post