Djegia e mandateve/ Flet Eno Bozdo: Shumë shpejt do të vijë zgjidhja, qeveria në tavolinë me opozitën…

Anëtari i Kryesisë së Partisë Demokratike Enno Bozdo i ftuar në studion e lajmeve të Fax News,  i cili ka folur rreth situatës politike në vend, në një kohë kur opozita ka paralajmëruar nesër protestë para Parlamentit.

Sipas Bozdos, kryeministri Rama po tallet me qytetarët pasi deri më tani nuk u ka zgjidhur asnjë problem.

“Rama po tallet, ai nuk ka zgjidhur asgjë me studentët apo fermerët të cilët derdhën qumështin në rrugë për shkak të mungesës së tregut, mënyra më e mirë për qytetarët është bashkimi me kauzën e opozitës”.

I pyetur për deklaratën e  ambasadës amerikane e cila deklaroi se e njeh si legjitim parlamentin shqiptar dhe se deputetët që dogjën mandatin duhet të lënë të sapomandatuarit të punojnë, Bozdo është shprehur se përtej oqeanit këmbanat e alarmit kanë rënë pasi jo më larg se dje Departamenti I Shtetit Amerikan (DASH), publikoi një raport që sipas tij denonconte shitblerjen e votës në zgjedhjet e 2017-s si dhe lidhjet e qeverisë me korrupsionin.

“Këmbanat e alarmit kanë rënë, pasi dje Departamenti i Shtetit Amerikann publikoi një raport edhe pse ditë feste, DASH denonconte paaftësinë e qeverisë, korrupsionin i cili po prek themelet e demokracisë.  Prandaj unë besoj që do të kemi edhe mbështetjen e aleatëve tanë në këtë rrugëtim.

Eno Bozdo ka komentuar edhe deklaratën e zyrtarëve francezë të cilët kërkuan që zgjidhja të vijë nga vetë partitë politike.

 “Zgjidhja do të vijë, ndoshta shumë shpejt, qeveria do të jetë në tavolinë bashkë me opozitën e cila nuk do të ndryshojë qëndrimin”.

I pyetur nëse ka skepticizëm për djegien e mandateve nga ish-deputetët, Bozdo u shpreh se vendimi ishte unanim.

“Nuk ka pasur skepticizëm, sepse ishte një rast gati i paprecedent në historinë shqiptare, ishte gati një vetësakrificë, me përjashtim të tre rasteve.

Dikush mund të thotë që kthehuni në Parlament, por opozita e mori këtë vendim pasi siç e keni parë edhe ju në muajt e fundit opozita nuk po dëgjohej në parlament, pasi siç e keni parë edhe opozitës iu ndërpre fjala në Parlament“.

Sa i përket protestës së nesërme, Bozdo nuk ka dhënë shumë detaje duke treguar se çdo gjë do ia lënë në dorë popullit.

https://www.facebook.com/faxweb.al/videos/405230593613032/