Zëdhënësi i presidentit Meta, Tedi Blushi i është përgjigjur kretu të grupit parlamentar në PS, Taulant Balla, ii cili iu kërkoi mediave që të mos humbisnin kohë duke u marrë me gjëra ”idiote”, siç ishin pretendimet e kreut të shtetit për grusht shteti.
Blushi shprehet se mazhoranca ka prerë në besë dhe ish-ambasadorin e Italisë Kutillo, që sipas presidencës u përdor nga socialistët. Mes të tjerave presidenca e fton Ballën që të reflektojë deri në datën 2 Mars, pasi ai vazhdimisht ka ditur të tregojë se në momentet e duhura, bën kthesa të nevojshme.
Postimi i Blushit:
Lum Shqipëria për Tao Taon se ky vetëm për hapjen e negociatave punon.
Ka harruar që e ka festuar tre herë çeljen e negociatave deri tani.
Ka harruar që ngritja e Gjykatës Kushtetuese është kyç për çeljen e tyre.
Po ligjin anti-kushtetues Dvorani pse e miratuat pa pritur Venecian? S’ka nevojë, thotë Tao Tao, sepse pamë disa sugjerime që Venecia u ka dhënë disa vendeve të tjera që kanë Kushtetutë tjetër nga e jona, dhe s’mund të ndalonim ta bënim fakt të kryer ligjin mafioz të rrëmbimit të Gjykatës Kushtetuese.
Po me ish-ambasadorin e nderuar Cutillio që ju lutët të dilte në TV e të vinte në diskutim dekretin e Presidentit si do ia bëni?
Apo s’ka problem se ai iku e s’merr vesh që ju e pretë në besë.
Po me ambasadën e SHBA si do ia bëni, se edhe ajo bëri goxha deklaratë për të thirrur Venecian?
Se ju si proamerikanë të paparë s’lëvizni asnjë presje pa u konsultuar me ta?
Duan të sabotojne ndihmat (borxhet) thotë Tao. Vetëm një PPP e tyre shkon 1 miliardë euro. Edhe 20 miliardë euro borxhe të japë bota, duke rrëmbyer Gjykatën Kushtetuese në mënyrë mafioze nga kjo bandë, asgjë nuk do shkojë në xhepat e shqiptarëve, por në xhepat e tyre dhe të disa kreditorëve.
Ah po, shqiptarët do fitojnë si gjithmonë shumëfishimin e taksave.
Fakte të reja do dalin Tao, dhe ti ke kohë deri në 2 mars të marrësh kthesën e radhës, siç e merr gjithmonë.
Lexo edhe deklaraten e Balles:
(E.K/Faxweb.al)
