“Do jesh ëngjëlli im siç ishe edhe në tokë”, Hygerta Sako përballet me humbjen e njeriut të shtrenjtë

Babai i Hygerta Sakos është ndarë nga jeta dhe lajmin e ka bërë të ditur vetë ajo nëpërmjet një postimi në Instagram.

“Babai im i shtrenjtë, mbreti im, sot u nda nga jeta. Na la pas zemërthyer e shpirtcopëtuar, por iku nga kjo botë si bashkëshort, baba e gjysh i gëzuar”, kanë qenë këto disa nga fjalët emocionuese që Sako ka ndarë në rrjet.

Nëpërmjet një fotoje ku shihet krah të të atit, Hygerta ka përcjellë lajmin e trishtë, duke bashkangjitur edhe njoftimin lidhur me detaje nga ceremonia mortore.

“Do jesh ëngjëlli im ashtu siç ishe dhe në tokë babush”, ka qenë një tjetër dedikim i Sakos për të atin e ndjerë, ndarja nga jeta e sëcilit e ka lënë familjen në dëshpërim të thellë…