Sherre dhe debate ka patur gjatë natës së sotme mes inxhinierit Arben Meçe dhe anëtarit të Këshillit Kombëtar të PD, Gazmend Oketa në studion e “OraNews”. Ky i fundit i kërkoi Meçes që të tërheqë mbrapsht deklaratën se do të t’i shkelë me këmbë. Por inxhinieri nuk pranoi, duke e agravuar edhe më tutje debatin. Në kulmin e durimit, Oketa doli nga “binarët” dhe tha fjalë jo shumë të matura.
Oketa: Bërë një deklaratë krejt të pavend këtu. Më duket pak mungese ekstreme modestie apo përceptimi realiteti,akush nga ne që jemi këtu në panel përsa kohë nuk është i votuar nga qytetarët shqiptarë nuk mund të flasë në emër të gjithë shqiptarëve.
Para një jave ishim në një emision dhe e përmende tre herë që kishe ardhur si ushtar atje. Sot paske ardhur si shefi i shtabit, por si shefi i shtabit të ushtrisë së vdekur. Harroje atë se mund të na shkelësh ti apo subjekti politik që ti ke në mendje as mua personalisht as qytetarët shqiptarë.
Po ta theksoj. Jam votuar më shpesh dhe më shumë se ti nga qytetarët, por nuk kam tagër të flas në emër të qytetarëve shqiptarë. Nëse të ka mbetur sadopak atë deklaratë duhet ta tërheqësh mbrapsht, është deklarata më skandaloze. Nuk dua të të ofendoj, e ofendove boll veten. Por duhet ta tërheqësh mbrapsht.
Meçe: Deklarata më përfaqësuese e asaj klase politike.
Oketa: Të kanë dhënë hapësirë si inxhinier, ti e di vetë sa mund të kesh projektuar dhe ndërtuar, ditke ato të miat. Nuk e di nga e ke marrë informacionin por je duke abuzuar me atë që të kanë thirrur si inxhinier. Herën e kaluar ishte si ushtar sot ke ardh si gjeneral, por si gjeneral i ushtrisë së vdekur. Ai që del dhe i përqafon njerëzit dhe u rreh shpatullat është bërë kaq e sheqerosur sa tha dikush sot në Durrës që po na bën me diabet.
Meçe: Nuk i tërheq asnjë grimë asaj që deklarova.
Oketa: Epo si thonë nga zona e këtyre, do të na hash munë. Dakord? Të më falë publiku.
Meçe: E more vesh durimin tënd.
