Serbia dhe Zvicra janë në një grup, ndërsa përballja e tyre ndiqet me interes, pasi shqiptarët e Zvicrës e shohin si “hakmarrje” ndeshjen me Serbinë.
Kjo pasi duke iu referuar të kaluarës, marrëdhëniet mes Kosovës dhe Serbisë kanë prekur fundin. Ndeshja do të luhet në 22 qershor, ndërsa për ta ndezuar situatën ka mjaftuar provokimi i bërë nga futbollisti i Kombëtares së Serbisë, Mitroviç.
Teksa ka folur për “Kurir”, fubollisti ka deklaruar se nuk arrin t’i kuptojë shqiptarët e Zvicrës se pse flasin për dashurinë e Kosovës, kur nuk luajnë me të.
“Unë nuk e kuptoj sesi flamuri i Kosovës mund të jetë një provokim për ne, kjo gjë nuk duhet të na interesojë. Diçka tjetër më shqetëson mua. Nëse ata e duan kaq shumë Kosovën, përse nuk shkojnë atje por mbrojnë ngjyrat e Kombëtareve të tjera? Shaqirin e njoh dhe mund të them se jashtë fushe është një djalë shumë i mirë. Ai do të përcjellë këtë frymë edhe në fushën e lojës”-tha ai.
Shaqiri është ndër lojtarët kryesorë të Zvicrës ku helvetët kanë varur shpresat për në ‘Rusi 2018’.
Paraqitjet e tij me Zvicrën kanë qenë deçizive edhe në kampionatin botëror në 2014 por edhe në kampionatin europian. (B.H/Faxweb)
