Ministri i Financave, Arben Ahmetaj, deklaroi nga Kongresi elektoral i Partisë Socialiste se në mandatin e dytë të qeverisë Rama, ekonomia do të rritet me 50%.
Ai u shpreh se në katër vitet e ardhshme, borxhi publik do të ulet me 60%: “Do të rrisim ekonominë me 5.5%, dhe do të garantojmë uljen e borxhit publik nën 60%. Rritja e të ardhurave për çdo qytetar shqiptar do të bëhet me 25%.”
Ministri i Financave bëri gjithashtu me dije se paga minimale nuk do jetë më 24.000 lekë, por 30.000, ku do të përfitojnë 315.000 qytetarë.
“Garantojmë rritjen e të ardhurave të disponueshme për çdo qytetar shqiptar me 25%. Do të ketë 220 mijë vende të reja pune në mandatit e dytë, gjë që do të ulë papunësisë në nivelin 1 shifror. Do të kemi rritur pagat e të gjithë punonjësve buxhetorë me 40%. Paga minimale do të jetë 30 mijë lekë, do përfitojnë 315 mijë qytetarë.
Tatimi për biznesin e vogël do të jetë zero. Do mbështesim bujqësinë, do përjashtojmë nga TVSH ato inpute që kanë kërkuar fermerët,” , u shpreh ministri nga Kongresi elektoral në qytetin e Durrësit.
(XH.A/SHUPLAKA)
Discussion about this post