Deputei Lefter Maliqi i ftuar në emisionin “Natë me Xhaxhiun”, ka folur për situatën politike në vend, duke komentuar edhe Kongresin e Partisë Socialiste i cili u mbajt të shtunën ku u bë edhe prezantimi i Erion Velisë si kandidat i ardhshëm për një mandate të dytë në krye të Bashkisë së Tiranës.
Sipas Maliqit, mbushja e sheshit me administratën shtetërore nuk përkthehet në fitore pasi vota asnjëherë nuk është e lexueshme.
“Partia Socialiste po mbush sheshet me administratën shtetërore, siç i mbushte edhe Sali Berisha me administratën por, vota nuk është asnjëherë e lexueshme, pasi ka servilë plot. Problemi është se njerëzit e shohin se në vend nuk është punuar”.
“Nëse unë do të mbështes të djathtën në Bashkinë e Beratit do ta fitojë PD, ndërsa nëse do ta mbështes të majtën do ta fitojë e majta”, tha Maliqi duke mos komentuar se kë kandidat do të mbështesë në zgjedhjet e ardhshme lokalen nëse opozita merr pjesë në to..
Maliqi ka komentuar edhe rolin e Bashës si lider i Partisë Demokratike, duke pohuar se ky i fundit duhet të luaj në rol dytësorë në PD, pasi nuk po krijon një frymë të re tek populli për të qenë i besueshëm.
“Mendoj që Basha nuk duhet të dorëhiqet nga PD-ja por duhet të ketë një rol dytësorë, ai bëri gabim që la jashtë listave disa emra të njohur dhe të rëndësishëm në PD, nuk mund të lihej jashtë Jozefina Topalli, Astrit Patozi, Ridvan Bode që e njohin partinë në majë të gishtave.
Opozita nuk po krijon frymë të re sepse i gjithë problemi qëndron te lidershipi, këtu nuk ka rrevoltë popullore”.
I pyetur nga moderatori Rezear Xhaxhiu nëse ndihet në siklet që ka marrë një mandat që nuk i takon, Maliqi i është përgjigjur me një batutë:
“Siç mund ta shikoni jam shumë mirë nuk jam i deformuar nga trupi, jam i qeshur”.
https://www.facebook.com/faxweb.al/videos/571448626667656/
Discussion about this post