Gjatë vizitës së saj në Tiranë, shefja e Operacionit Ndërkombëtar të Monitorimit (ONM), Genoveva Ruiz Calavera, pati një takim edhe me ish-deputetët e opozitës, Silva Caka, Klajda Gjosha, Oerd Bylykbashi dhe Aldo Bumçi.
Teksa i shprehën shqetësimet në lidhje me qeverisjen e Edi Ramës, ish- ligjvënësit opozitarë i paraqitën edhe një dokument me shkrim në lidhje me procesin e reformës në Drejtësi.
Në dokument pretendohet se Ambasada Amerikane i ka mohuar vizën kreut të Prokurorisë së Krimeve të Rënda, Donika Prela.
Procesi i Veingut për këtë të fundit ka qenë mjaft i kontestuar nga ana e opozitës, që pretendon se Prela është konfirmuar në detyrë me qëllimin e vetëm për të mbyllur dosjet shqetësuese për qeverinë Rama. (Lexo edhe ketu)
