Është votuar me 9 vota pro dhe një kundër kërkesa e drejtuesit të SPAK, Arben Kraja për transferimin e përkohshëm të prokurorëve Vladimir Mara dhe Dritan Prençi.
Faxweb.al mëson se ndaj tyre kundër dy anëtarëve të rinjë ka votuar Nurihan Saiti
Prençi dhe Mara janë prokuror që kanë kaluar vettingun më herët dhe deri para krijimit të SPAK ata ishin hetues të Krimeve të Rënda.
Ndërkohë dy hetuesit arrijnë të bëhen pjesë e SPAK por me një mandat të përkohshëm dhe jo 9-vjeçar.
Pas konstituimit të Prokurorisë së Posaçme, SPAK, vjen edhe kërkesa e parë e kryeprokurorit Arben Kraja. Ai ka dorëzuar pranë Këshillit të Lartë të Prokurorisë një shkresë përmes së cilës kërkon përforcime për Prokurorinë Anti-korrupsion.
Kraja iu thotë anëtarëve të KLP-së që të komandojnë si prokurorë të posaçëm të SPAK, Dritan Prençin dhe Vladimir Marën, të cilët janë konfirmuar në detyrë gjatë procesit të Vetting-ut.
Por, dy prokurorët Mara dhe Prençi nuk u listuan gjatë garës për në SPAK si prokurorë të posaçëm, pasi nuk morën pikët e duhura. Nga ana tjetër, Prokuroria e Posaçme, SPAK, kishte deri më tani 8 prokurorë, përfshi edhe kryeprokurorin Kraja.
Shkak për këtë kërkesë drejt KLP-së duhet të jetë bërë edhe volumi i dosjeve që dy ish-prokurorët e Krimeve të Rënda kanë nën proces hetimor dhe që sikurse është raportuar më herët, në rast se ato kalojnë te prokurorë të tjerë të SPAK, do të duhej kohë e konsiderueshme derisa prokurorët e rinj të njihen me aktet dhe fashikujt.
(F.GJ/FAXWEB.AL)
