Presidenti i Shteteve të Bashkuara të Amerikës, Donald Trump i ka dërguar kryeministrit Edi Rama një letër falenderimi, për urimin e dërguar nga ky i fundit për betimin e tij si president.
Kryeministri Edi Rama ka postuar në faqen e tij Facebook, falenderimin që Donald Trump i bëri pas urimit për detyrën e re si Presidenti i 45 i Shteteve të Bashkuara të Amerikës.
Letra:
“Faleminderit edhe Presidentit Trump për mesazhin e tij ku shkruhet:
“I dashur Kryeministër,
Unë e mirëpres ngrohtësisht mesazhin tuaj të urimit për betimin tim si President i Shteteve të Bashkuara dhe e vlerësoj lart mendimin, mbështetjen e inkurajimin tuaj.
Ne kemi përpara sfida të cilat jam i bindur se do t’i kapërcejmë, mbi themelet e përbashkëta dhe në partneritet me njëri-tjetrin. Ne po ashtu kemi mundësira të jashtëzakonshme për përparimin e qëllimeve që ndajmë, për promovimin e stabilitetit global e për arritjen e paqes e të prosperitetit.
Sinqerisht i Juaji, Donald J.Trump””, shkruan Rama në Facebook.
Gjatë fushatës për president të Shteteve të Bashkuara të Amerikës, ku kandidoi Donald Trump dhe Hilary Clinton Rama nuk doli në mbështetje të Trumpit, duke mos e parë si njeriun e duhur për president të SHBA-së. Ndërsa sot ai poston me krenari letrën e dërguar prej tij. (J.V/Shuplaka)
Discussion about this post