Këshilli i Emërimeve në Drejtësi ka vendosur që këtë premte të mbajë mbledhjen për vakancën e krijuar në Gjykatën Kushtetuese pas dorëheqjes së Elsa Toskës.
Në njoftimin zyrtar thuhet se K.E.D. njofton thirrjen, mbledhja mbahet në orën 14.00, pranë Gjykatës së Lartë.
Një nga pikat e KED është hedhja e shortit për caktimin e relatorit dhe të këshilltarit ligjor për shqyrtimin e kandidaturave që kanë shprehur interesin për t’u zgjedhur në pozicionin vakant të krijuar në Gjykatën Kushtetuese.
Kjo pikë pritet të hapë debate se sa do të jetë mandati sipas ligjit i gjyqtarit kushtetues zëvendësues, pasi ka debate se si organ emërtese Kuvendi ka keqllogaritur kohën e mandatit që duhet të zgjasë për gjyqtarin e nëntë i cili do të zëvendësojë Elsa Toskën.
Janë 10 kandidatura, ndërkohë që plotësimi i Kushtetueses ka rëndësi të veçantë mbi dy çështje në Kushtetuese.
Njëra është Sky Ecc për të cilën nuk ka dalë ende një datë dhe e dyta seanca e ish kryeministrit Sali Berisha.
Discussion about this post